Nafarroako Filmotekak gaur, ekainaren 29an, itxiko du aurtengo lehen seihileko programazioa Zoya Akhtarren Zindagi Na Milegi Dobara (Sólo se vive una vez) indiar filmarekin. Filmaren zati bat Iruñean filmatu zen 2010eko uztailean. 2011ko irailetik 2012ko ekaina bitarteko denboraldiaren programazioan, 11.000 ikusletik gora izan dira Nafarroako Filmotekako proiekzio-aretoan. Udan atsedena hartu ondoren, filmotekak berriro ekingo dio programazioari irailaren 4an (asteartea) zine-ziklo berriekin.

Marilyn Monroe Nafarroako Filmotekako ardatzetako bat izanen da ekainean. Haren heriotzaren 50. urtemugan, bere ederrean agertzen baita oraindik ere zineman eta, hark protagonizatutako filmei esker, denok daukagu gogoan alde guztietatik zerion xarma. Poloniako literatura izanen da, bestalde, datorren hileko ataletako bat, Zinema eta Literatura zikloan hiru idazle poloniarren (Stanislaw Lem, Jaroslaw Iwaszkiewicz eta Joseph Conrad) eleberrietan oinarritutako filmak emanen baitira. Era berean, filmotekak ekainerako prestatu duen egitarauaren osagarri, Sanferminei buruzko hainbat begirada eskaintzen dituzten hiru film pantailaratuko dira, bai eta bi saio berezi ere (NUPek ekoiztutako film laburrei eta 1972ko Topaketei eskainita).

Maiatza proposamen berriez beterik heltzen da Nafarroako Filmotekara. Aurtengo azken zikloa eta gero, Ezinbesteko Zinema, urritik programazioan egon dena, Alexandr Sokurov zinegileari zuzendutako ziklo bat hasiko da; Ikuspuntuaren Fokuaren edizio berri bat, Mexikon erbesteratutako espainiar zinean oinarrituko dena; eta 3. Arkitektura eta Dokumental zikloa, Euskal Herriko Arkitekto Elkargo Ofizialak antolaturikoa. Gainera, bi sesio berezi egongo dira, bat dantzaren nazioarteko egunari zuzendua eta panorama INAAC sesio bat.

Europako zinema apirileko egitarauaren ardatzetako bat izanen da. Nafarroako Legebiltzarrarekin elkarlanean, izan ere, Nafarroako Filmotekak Europar Zinema Bidean izenburuko zikloa antolatu du, Europako zinemarik onena sustatzeko eta Europar Batasunaren orainaren eta geroaren inguruko topaguneak antolatzeko. Guztira, hiru film emanen dira eta, horrez gain, eztabaida ireki bat ere eginen da herritarren eta Europako eta Nafarroako politikarien artean. Programazioan, gainera, bestelakoak ere eskainiko dira; hain zuzen, INAAC Panorama zikloa, Álex de la Iglesiari eskainitako zikloa eta Ezinbesteko Zinema deritzon zikloa, apirilean hiru film interesgarri eskainiko dituena: Celebración, La vida de los otros eta Up.

Nafarroako Filmotekak Álex de la Iglesia bilbotar zinemagileari eskainitako zikloaren bidez emanen dio hasiera martxoko programazioari, haren filmik arrakastatsu eta sarituenetako bat eskaintzeko: El día de la bestia (1995). Ekintza-komedia makabro eta dibertigarria da, sei Goya sari eskuratutakoa; besteak beste, Santiago Segurak aktore berri onenari zegokion saria eraman zuen. Federico Felliniri eskainitako monografiak ere bere tokia izanen du, bai eta INAAC Panoramak eta Ezinbesteko Zinemak ere; martxoan, zehazki, Ingmar Bergman, Win Wenders, Woody Allen eta Zhan Yinou zinemagileen lanak emanen dira.