François Truffaut. Zinemarako grina

Sarrera: 3 €.
Filmoteka 10 emanaldirako abonoa: 20 €.
Truffaut. El deseo del cine liburua: 18€

1959ko maiatzean, François Truffautek (1932-1984) Los cuatrocientos golpes aurkeztu zuen Cannesen. Film hark izugarrizko arrakasta izan zuen berehala. Are gehiago, Nouvelle Vague mugimendu zinematografiko berriaren erreferentzia nagusi bihurtu zen, ondorengo urteetan nazioarteko zinemaren bilakaeran berebiziko eragina izateraino. Hantxe jaio zen Antoine Doinel (Jean-Pierre Léaud) ere bai, Truffauten alter ego-a, filma haren eta zinemagilearen beste lauren protagonista. Goretsi eta ohoratu egin zuten batzuek; beste batzuek, berriz, gaitzetsi egin zuten bere burua eta "vague" mugimenduko bere kideak traizionatu izana hari leporatuz. Bere ibilbidean, film ahaztezinak zuzendu izan zituen Truffautek, besteren artean Jules y Jim (1962) eta El pequeño salvaje (1970), gorazarre egin zion zinemari La noche americana (1973) filmarekin edo ospe handiko literatur moldaketak -Fahrenheit 451 (1966). Kritikaria izan zen zuzendari izan aurretik, zenbaitetan antzezle ere bai, eta betiere zinezale porrokatu, bera esaten zuen bezala La noche americana filman:

"Antzezle ona zara. Oso ondo doa lana. Badakit zeure bizitza duzula, baina honek guztiak beti sorrarazten ditu gorabeherak. Pelikulak bizitza baino orekatuagoak dira, Alphonse, ez da trabarik gertatzen ezta hutsarterik ere. Pelikulek gaueko trenek bezalaxe egiten dute aurrera. Ulertu al duzu? Zu eta ni bezalako pertsonak lanean, zinean egiten dugun lanean pozik egoteko eginak gaude".