Ateneoak aurkezten du…

Duela urte batzuetatik hona ohikoa den bezala “Ateneoak aurkezten du…” zikloaren proiekzioak aurretiko kontzertua izango du lagun. Oraingo honetan, saioak Ennio Morricone (1928-2020) konpositore eta zuzendaria omenduko du, XX. mendeko konpositore garrantzitsuenetako bat, bostehun soinu-banda baino gehiagoren egilea eta Oscar Sariak birritan irabazi dituena. Morriconeren konposizio bakoitzak, beti filmaren eta bere bilbearen eskura jarritakoak, bere pelikulak salbuespenik gabe goratzeko gai den atmosfera eta emozioa du, eta ez dio inola ere uko egiten berez kalitate handia izateari.

Horrela, lehenik eta behin kontzertu batez gozatuko dugu. Kontzertu horretan bere abesti enblematikoenetako batzuk interpretatuko dira, Cinema Paradiso (1988), Hasta que llegó su hora (1968),El bueno , el feo y el malo (1966), edo   Los intocables de Eliot Ness bezalako pelikuletatik datozenak. Kontzertu hau Jazz Classic Ensemble taldearen eskutik etorriko da. Taldea Francesca Croccolinok (pianoa), Aingeru Otxotorenak (batería), Marcelo Escrichek (Kontrabaxua), Roberto Casadok (flauta), Julio Escauriazak (flauta)eta Sergio Larriónek (gitarra) osatuko dute.

Ondoren, Los intocables de Eliot Ness proiektatuko da, 80ko hamarkadaren amaierako film enblematikoenetako bat, zeinaren soinu-banda ospetsua Oscar sarietarako izendatu izan zen. Prozesu luze eta gogor baten ondorioz sortutako soinu-banda, Morriconek berak askotan bere kontzertuetan irekiera pieza gisa erabili zuena.