Saio bereziak

Hil honetako bi saio berezietako lehena  Tuterako Ana Diez zinemagileari eskainiko diogu, eta Mexikon egindako azken lana erakutsiko digu.

Nafarroako Filmotekak atzera begirakoa eskaini zion 2012an zuzendari nafarrari, eta gurekin izango da hezkuntzaren mundu korapilatsua ardatz duen lan hau azaldu eta komentatzeko, ikastetxe bateko estamentu guztiak jomugan hartuta, Zuzendaritzatik hasi eta ikastetxeko langile xumeenetaraino. A quien cierra los ojos mikrokosmos sozial horietan sortzen  diren egoera konplexu, zail eta unibertsalen izenburu iradokitzaile eta sotila da.

Hurrengo egunean, Espainiako zinemaren eguna ospatzen da, Kultura Ministerioaren ekimena, eta  data hori ezarri du ingurune soilean egin daitekeen zinema ona aitortzeko. Oraingoz, zenbait efemeride onartzen dira Espainiako filmografiako tituluren bat (zaharberritua) berreskuratzeko eta hainbat proiekzio-espaziotan zabaltzeko, batez ere filmoteketan. Aurten aukeratutako filma Embrujo da, Lola Floresen jaiotzaren mendeurrena ospatu den urtea aprobetxatuz. Nafarroako Filmotekari dagokion aldetik, izenburu honek bi artista nafarrek filmean parte hartu zutela gogorarazteko balioko digu. Camino Garrigó aktorea, Filmotekak Libros de Cine bildumako lehen liburua eskaini ziona, eta  Erriberriko Jesus Garcia Leoz musikariarena, espainiar zinemako soinu-banda ugariren konpositore oparoa.