Programazioa
Las lindas
Irailaren 20a, osteguna
20:00 O.
24 urteko Melisak bere lagunekin haurtzaroko eta nerabezaroko esperientziei buruz mintzatzen da, euren bizitzetan emakume izatearen ondorio ezberdinetan sakonduz. Intimitatean zabaldu diren kontaketa hauek txandaka Melisaren esperientziarekin kontrajartzen dira, bere artxibategi pertsonaletik ateratako irudien bidez, familiako argazki-bildumaren bidez eta etxeko bideoen bidez (bir)eraikia.
Liebenthalek lagunekin filmatzeko bultzada oso txikitatik izan zuen, eta hainbatetan bere burua filmatzekoa ere. Bera ez zen ederrena, ez histrionikoena, ezta atseginena ere (betidanik bere irudiari, jokabideei eta jarrerari buruz traumak izan zituen), baina hala ere ez zuen inoiz kamera itzali eta argazkiak eta bideoak grabatzeari ekin zion. 15 urte hauetan bildutako material guzti honek (gaur egun 24 urte ditu) bere haurtzarotik, aurrenerabezarotik eta taldearen gaztarotik ibilbidea eratzeko aukera eman zion. Gaur egun lagun bakoitza bizipen hauek berreskuratzera gonbidatzen du, jada nostalgia goiztiarraren eta autokritika egiteko gaitasun barregarriaren jabe diren hogei urteko emakumeen ikuspuntuaren “heldutasunetik”. Zuzendariak ez da soilik bere solaskideekin elkarrizketan aritzen, baizik eta off ahotsa sarritan erabiltzen du fotogenia, sedukzioa, sexualitatea edo emakumeen depilazioa bezalako gaiei heltzeko (emakumeek egindako eta emakumeei buruzko kontakizuna dugu hau, noizean behin gizonen bat urrutiko bigarren planoan besterik agertzen ez delarik).
Argentina, 2016
Zuzendaritza eta gidoia: Melisa Liebenthal.
Argazkigintza: Lucas Pérez Sosto (C)
Musika: Ángeles Otero.
Antzezleak: Melisa Liebenthal, Victoria D’Amuri, Camila Magliano, Sofía Mele, Josefina Roveta, Michelle Sterzovsky.
Hizkuntza: J. B gazteleraz.
Iraupena: 77 min.
NAFARROAKO LIBURUTEGIA ETA FILMOTEKA ERAIKINA
Artxibo Filmografikoa