Konferentzia Roman Gubernen esku: La mirada trasterrada.

   1934an jaioa, Román Gubern zine espainiarraren historialarien dekanoa da eta gure herrialdeko komunikazio arloko akademiko ezagunena nazioarteko mailan. Massachusetts Institute of Technology, University of Southern California, California Institute of Technology, Venice International University eta Bartzelonako Unibertsitate Autonomoan irakasle izan da. UABeko Sormenezko Dokumentalaren Teoria eta Praktika Masterreko zuzendaria da baita ere. Bere argitalpen ugarietatik aipagarriak dira, besteak beste, Historia del cine (1971) edo Cine español en el exilio (1976), Gerra Zibilean bando errepublikarraren porrotaren eraginez erbesteratutako espainiarren gure mugetatik kanpo egindako lan zinematografikoari zuzendutako lehenengo ikerketa lana. Bere ikerketa lanek, eta hauek Mexikorekin duten harreman estuak, urteetan zehar Luis Alcoriza, Luis Buñuel, Carlos Velo, Max Aub Jomi García Ascot eta beste hainbeste ezagutzera eraman zuten. Gaur egun, bere lurraldetik kanporatuak izan zen espainiar belaunaldi guzti horren memoria bizia da.