RAMS

Dieter Ramsen erretratua (1932, Wiesbaden , Alemania), bere garaiko diseinatzaile garrantzitsuenetako bat, kontsumismoari, iraunkortasunari eta diseinuaren etorkizunari buruzko gogoetara gonbidatzen gaituen dokumental baten bidez.
Diseinatzaile industriala, Braun kontsumo-produktuen konpainiarekin lotua, funtsezko irudia izan zen diseinu funzionalista alemaniarraren birsorkuntzan, 50eko eta 60ko hamarkadetan. Markaren diseinuko taldeburu gisa, Ramsek arrazionalismorantz eraman zuen, eta horrek berehala bereizi zituen produktuak eta enpresaren nortasuna.
Diseinuaren kontzeptua honela azaltzen du: “gutxiago, baina hobeto gauzatuta”. Ramsek eta bere taldeak Braungo produktu gogoangarri asko diseinatu zituzten, eta, gainera, ospetsua izan zen 1960an Vitsoerako Apalategi Unibertsala 606 sistemaren diseinuagatik.
Diseinuaren oinarrizko hamar printzipioetan oinarrituta egindako diseinu asko (kafe-makina dotoreak, kalkulagailuak, irratiak, ikus-entzunezko ekipamendua, kontsumoko etxetresna elektrikoak, bulegoko produktuak…) munduko museo entzutetsuenetako batzuetan erakusten dira oraindik.
Aurkezpena: José Felix Collazos, arkitektoa