Home Movie Day

HOME MOVIE DAY

Nafarroako Filmotekak Home Movie Day egunarekin bat egin du berriro. Zinema familiarrari eta amateurrari eskainitako nazioarteko eguna da. Manifestazio hori Estatu Batuetan sortu zen 2002an (aurten XIX.urteurrena ospatzen du), film-artxiboetako aditu-talde baten ekimenez, herritarrak zinema-memoria partikularrak gordetzearen garrantziaz sentsibilizatzeko. Harrezkero, ekitaldi hori handituz joan da, eta hamabi herrialdetan baino gehiagotan antolatzen den ospakizun bihurtu da.

Aurreko edizioetan bezala, gure zinematekaren saioaren helburu nagusia da materiala Filmotekaren artxiboan utzi duten zaleak ezagutzea, eta, hala, mugimenduan dagoen irudiaren ondare historikoa aberasten lagunduko dute. Azken aldian Artxibo Filmikoan jasotako gordailuen zatiak proiektatuko dira saio honetan. Fermin Aldazek, Federico Soto Yarrituk, Javier Merino Meazak, Juana Yoldik eta Julio Martinezek, Fermin Ibarra Aguerraldek, Jesus Rodriguez Diaz de Ceriok,Zezen clubak , Ana Zabaleta Seguinek, Juan Arbizu Perezek eta Pedro Lopez Garciak , Plaza de la Cruz Institutuak, Juan Luis Olaverri Garrayk, Mariano Lopez Sellesek, Felix Segura Urrak eta Jose Maria Usoz Ruizek filmatu edo gordetako filmazio-zatiak erakutsiko dira.

“Gure memoriaren fotogramak” kanpaina dela eta, Nafarroako Liburutegi Publikoen Sareak 62 liburutegitan gaitu ditu, 56 udalerritan, herritarrek Artxibo Filmografikoan eman edo utzi nahi dituzten material filmiko , optiko edo magnetiko guztiak biltzeko gune iraunkorrak. Jasotako materiala digitalizatu egiten da eta kopia bana ematen zaie senideei.

Zuzeneko emanaldia pianoarekin, Josetxo Fernández de Ortegaren eskutik.