Suzhou River

Shanghain, Suzhou ibaiaren ertzean, Mardar hiri osoan zehar dabil paketeak  banatzen bere motorrean. Enkargu batean, Moudan gaztea ezagutuko du, eta biak modu arriskutsuan maiteminduko dira.  Handik gutxira, Mardar Moudan bahitu eta aitari xantaia egiteko kontratatuko dute. Traizioa aurkitzean, Moudan desagertu egingo da. Espetxean hiru urte eman ondoren, Mardar Suzhou ibaira itzuliko da maitearen bila. Horrela ezagutuko du Meimei, Moudanen antza handia duen dantzaria.

Errebelazio gisa sortua, eta genero zinearen dosi handiak  zituen muturreko errealismoz hornitua, Suzhou River, Rotterdamgo Zinemaldiko Tiger Award-eko irabazlea, zinema txinatarraren seigarren belaunaldiko mugarrietako bat bihurtu zen, Jia Zhangke, Zhang yuan edo  Lou Ye bezalako zinemagileak buru zituela. Zinemagile horien gai eta bilaketa askoren erakusle  argia da filma, eta Shanghaiko kaleetan barrena bidaia katramilatu eta malenkoniatsu bat aurkezten du, amaitu gabeko maitasun bizi baten bila, gizarte-kritikatik kanpo ez ego narren zinemaren historiarekin  modu liluragarrian  lotzen gaituena.

Aurkezlea: Fermín Martínez