¿Cuánto pesa su edificio, señor Foster?

Norman Foster-en (Manchester, 1935) bizitza eta obra ezagutzeko ibilbidea, azken hamarkada hauetako arkitektorik enblematikoarena (Pritzker saria 1999an). Bistan geratuko da bizi-kalitatea diseinuaren bidez hobetzeko duen grin hautsiezina. Dokumentala britainiar arkitektoaren hasierako historiekin hasiko da, eta haren ametsek eta eraginek zer-nolako eragina izan zuten azalduko da ondorengo eraikinak egiteko: Pekingo aireportua (munduko handiena), Reichstag, New Yorkeko Hearst eraikina eta planetako zubirik altuena, Millau biaduktua, Frantzian, edo Bilboko Metroa, bezalako eraikinak, besteak beste. Foster mende honetako arkitekto izartzat hartzen da, eta azken garaietako sortzaile ameslariena dela esaten da. Karreran, bizi-kalitatea diseinuaren bidez hobetzen ahalegindu da; horrela, artea eta funtzionaltasuna elkartu ditu, eta eraikinei garapen iraunkorraren faktorea gehitu die. Norman Foster-en erretratua da, hasi zenetik Abu Dhabiko azken proiektuetara bitartekoa, tartean karreran izandako arrakasta ugari eta guzti. Gidoiaz eta produkzioaz haren emaztea arduratu da, Espainiako Elena Ochoa psikologoa eta idazlea.

Aurkezpena: José Felix Collazos, arkitektoa