Renzo Piano. Visitas de obra

Italiako Renzo Pianok (Génova, 1937), Pritzker saria 1998an, arkitekto-ikasketak egin zituen Milango Unibertsitate Politeknikoan, baina haurtzaroaz geroztik obrak egunero izan zituen ondoan aitarekin, eraikitzailea baitzen. Jean Prouvé adiskideak ere eragin nabarmena izan zuen lanbidearen hasieran: 1971. urtean, "Piano & Rogers" sortu zuen, Richard Rogers-ekin batera (Parisko Georges Pompidou Zentroaren egile-kidea), eta, 1977. urtean, "L'atelier Piano & Rice" sortuko du Peter Rice ingeniariarekin 1992. urtera bitarte; urte horretan, egungo "Renzo Piano Building Workshop" enpresa sortuko du Parisen eta Génovan. Arkitektoen Nazioarteko Batasunaren Urrezko Medaila lortu zuen 2002. urtean. Visitas de obra filmean, arkitektoarekin batera ibilaldia egingo da hilabeteetan zehar obra ezberdinak ezagutzeko. Era horretan, bistan geratuko dira Pianok, nazioarteko arkitekto, ingeniari eta langileburuen taldeekin batera, teknologiara jaurtiko dituen erronkak material eta egitura gero eta arinagoak erabilita. Pelikulan, aldi berean, "artisau moderno" honen arkitekturaren dimentsio emozionala eta poetikoa gogoratzen da.

Aurkezpena: Mariano González Presencio, arkitektoa