Albisteak
Nafarroako Filmotekak 2014ko egutegi bat argitaratu du, bertan Nafarroako zinemagile afizionatuek filmatutako pelikulen irudiak jasotzen dira, eta haien filmografia Filmotekaren Artxiboan gorde da.
Etxean erabiltzeko lehen kamera (Patrhé baby 9,5 mm) merkaturatu zenetik 90 urte igaro dira dagoeneko, eta Nafarroako Filmotekak Home Movie Day, familia-zinemaren eta zinema amateurraren inguruko nazioarteko eguna antolatuko du berriro. Urriaren 18an, ostirala, izango da, 18:00etan, eta saioan zehar azken urtean filmotekan utzitako filmetako batzuk ikusteko aukera egongo da. Sarrera doan izango da.
Pura Vida dokumentalak emanen dio bukaera Nafarroako Filmotekako maiatzeko programazioari. Lanean kontatzen da munduko mendigoizale onenetariko batzuek Iñaki Ochoa de Olzaren bizia salbatzeko egindako erreskatea. Filma INAAC Panorama zikloaren barruan dago, hau da, Nafarroarekin zerikusia duten film egin berrien zikloan, eta maiatzaren 31n, ostiralean, emanen da, 20:00etatik aitzinera. Sarrerak euro bat balioko du. Joan den maiatzaren 23an nafar mendigoizalea Annapurna mendian hil zeneko bosgarren urtemuga bete zen.
Ostegunean, maiatzak 9, Alfredo Landa aktore nafarra hil zen, laurogei urte zituela. Ehun eta berrogeita hamar pelikula baino gehiagoko filmografiarekin (zinema eta telebistaren artean), Espainiako zinematografiako aktore emankor eta ezagunenetakoa da. Nafarroako Filmotekak aktoreari eskainitako ziklo bat prestatuko du, azken hiruhilekoan eginen da.
Nafarroako Filmotekan handitu egin da herritarrek emandako filmazioen funtsa, Enrique Soler de Agustínen artxibo zinematografikoa jaso baitu. Soler de Agustínen familiak emandako materialetan super 8ko 59 film daude; 8 mm-ko 107, eta 9,5 mm-ko 38. Guztietan ere Nafarroako bizitza familiar, profesional eta sozialaren gertakarien irudiak ageri dira, 1931tik 1989ra bitarte grabatutakoak.
NAFARROAKO LIBURUTEGIA ETA FILMOTEKA ERAIKINA
Artxibo Filmografikoa